Sagan öll

Ég hvet ykkur endilega til að verða ykkur út um nýjasta tölublað Sagan öll. Ég keypti það nú reyndar út af grein um Tinna en rakst á ýmislegt athyglisvert. Þar eru birtar myndir af Múhameð. Það virðist s.s ekki vera eins bannað og þeir sem hvöttu til uppreisnar gegn dönum héldu fram. Þarna eru sýnd indæl málverk af Múhameð og að talið er Gabríel erkiengli að fylgjast með púkum refsa konum í helvíti, því að flestir í því helvíti eru jú konur. Svo er athyglisverð grein um musterisriddarana og svartadauða. Þetta er ágætt blað og gaman að blaða í þessu.

 

 

Athugasemdir

[Bryndís Böðvarsdóttir, 5.10.2007 kl. 00:54]

Vá! Var þetta pólitísk ádeila eða sá höfundurinn kannski ekkert athugavert við þetta frekar en margir aðrir í dag?

[Flower, 5.10.2007 kl. 11:33]

Þetta eru ekki skopmyndir bara svo að það sé á hreinu, heldur gömul málverk og sýna það að það var ekki eins bannað að mála Múhameð og það á að vera í dag. Eða menn einfaldlega hlýddu ekki því banni þá frekar en í dag.

Annars eru þær kenningar uppi að ástæðan fyrir þessu banni hafi verið að Múhameð hafi ekki viljað þekkjast svo að hann yrði ekki myrtur. Sem er mjög eðlilegt þegar litið er til þess hvað hann var herskár og átti marga óvini.

[halkatla, 5.10.2007 kl. 14:24]

akkúrat flower, ég var búin að heyra það að það væru til gömul málverk af kallinum, takk fyrir ábendinguna um þessa grein.