Kröfur fólks til Guðs

Ég velti mikið fyrir mér sambandi manna og Guðs, og hvaða væntingar og kröfur fólk gerir til Guðs. Mér finnst gaman að finna samlíkingar um allsskonar hluti og var að finna eina sem ég ætla að reyna á ykkur.

Maður sækir um hjá fyrirtæki. Hann ætlar ekkert að vinna og ætlar ekki að fylgja neinum reglum fyrirtækisins en vill samt hæstu laun og fjárhagslegan stuðning að auki. Forstjórinn ræður hann með bros á vör af því að hann er svo góður við alla og kann ekki að segja nei. 

Þetta er svolítið enduspeglun á afstöðu Þjóðkirkjunar til Guðs, og einnig hvernig fólk vill nálgast Guð. Það vill Guð sem æðri kraft sem getur komið til hjálpar en vill ekkert leggja til í staðinn. Hið raunverulega samband manns og Guðs er hins vegar byggt á gagnkvæmu sambandi. Guð vill gefa okkur allt sem hann á og vill aðeins eitt í staðinn, en margir telja of mikið til að gefa, sem er við sjálf og er það eina sem við getum gefið Guði.

Þetta er ekki mín uppfinning þessi samlíking því að Jesús kemur með dæmisögur um þjón og húsbónda. Og það er mjög einfaldur boðskapur að baki, trúi þjónninn fær sín laun en sá ótrúi ekki. Launin eru fjársjóður á himnum og sá fjársjóður eiðist ekki né gengisfellur.

Athugasemdir

[Kristinn Ásgrímsson, 20.1.2008 kl. 00:21]

Sammála og gleðilegt ár

[Aðalbjörn Leifsson, 20.1.2008 kl. 18:24]

Já það eru margir sem nenna ekki að vinna en heimta hæstu laun. En allir fá s´´in laun, þeir sem eru síðastir verða fyrstir. Sjá Mat. 20:1-16

[Ragnar Kristján Gestsson, 20.1.2008 kl. 21:57]

Einhvernvegin er þetta nú, Kristur kemur líka með aðrar - nokkuð harðari - lýsingar á ótryggum þjónum sem passa heldur ekki inn í skoðanir margra á Honum í dag.

[Linda, 21.1.2008 kl. 00:23]

mynduglega vel gert hjá þér, skemmtilega hnitmiðu færsla

knús.

[halkatla, 25.1.2008 kl. 18:17]

virkilega góð færsla og frábært að lesa hana

[Guðsteinn Haukur Barkarson, 26.1.2008 kl. 14:44]

Glæsileg grein frá glæsilegri konu. Ég hef engu við að bæta við pistil þinn.

[Flower, 26.1.2008 kl. 22:31]

Takk allir sem hafa kommentað. Gaman að sjá framan í þig Haukur, þú sést svo sjaldan á þessum slóðum. En kannski ekki nema von þegar þú segist ekki lesa eigið blogg

[Guðsteinn Haukur Barkarson, 28.1.2008 kl. 10:39]

Já Flower, minn mesti og versti óvinur er tímaleysi, þess vegna er ég í bloggfríi og get loks leyft mér að lesa eftir bloggvini mína sem ég hef alvarlega vanrækt!  En þar verður breyting á þar sem ég er ekki fastur í að svara 300 athugasemda færslum hjá sjálfum mér! úfff .....