Stjörnurnar og tunglið

Það er svo gaman að horfa upp í stjörnurnar, þær bera vitni mikilfengleika skapara síns. Ég var á ferð í bíl í kvöld og var að horfa á stjörnumerkið Orion sem er eina stjörnumerkið sem ég þekki. Mér finnst alltaf jafn merkilegt að ég sé að horfa á kort af píramídunum. Ég var eitt sinn heilluð af forn egyptum en það dæmi er svo mettað dultrú og kukli að Guð fjarlægði þann áhuga hægt og rólega. Þetta er samt merkileg menning fyrir það.

Svo var ég að horfa á tunglið. Það var gult á leiðinni en þegar það sást héðan var það orðið hvítt á ný, sennilega hefur það fengið sér bað. Það hefur alltaf átt hug minn allan og þegar ég var lítil spjallaði ég við það og ávarpaði sem Tunglsa frænda Ég hafði ofvirkt ýmindunarafl sko Tunglið ber líka vitni um mikilfenglega skapara alls. Samt á þetta allt eftir að líða undir lok, það er erfitt að ýminda sér það en sá sem getur komið þessu öllu saman getur líka eyðilagt það. Ég hyggst samt njóta þess meðan það er.

Athugasemdir

[Bryndís Böðvarsdóttir, 29.2.2008 kl. 10:32]

Já stundum getur maður orðið alveg dáleiddur af fegurð himintunglanna. Ég sakna þess dálítið að sjá ekki eins oft stjörnur hér fyrir sunnan eins og fyrir norðan. Það er svo oft raki hér og skýjað.... Elska líka þegar norðurljósin birtast og sem barn var maður hálfpartinn hræddur við þau. Þau virtust stundum svo ógurlega nálæg, eins og þau ætluðu að steypa sér yfir mann...

[Linda, 6.3.2008 kl. 00:32]

ég er svo innilega sammála ykkur báðum

Knús og blessunar kveðjur til þín og þinna.

[Guðsteinn Haukur Barkarson, 6.3.2008 kl. 13:14]

hmmm ... er þetta ekki vegna áhrifa frá Stjörnu Stríðs myndunum? 

[Flower, 6.3.2008 kl. 17:47]

Haukur, hvað ertu að meina?  

Góður þessi

[Flower, 6.3.2008 kl. 17:57]

Það er nú samt hægt að færa þessa færslu að sumu leiti upp á Star Wars. Hann George Lucas kallinn viðrar sinn Fraudiska áhuga eins og hann getur. Hann telur að þeir vondu telji sig ekki vonda, en það er full þröng sýn á vonsku og ekki algild. Sumir vita alveg að það sem þeir aðhafast er illt og gera það samt.