Jólaundirbúningurinn

Best að setja eina glaðlega færslu svona rétt fyrir jól. Og nota tækifærið að leiðrétta síðan í gær að Þjóðkirkjan tekur einhverja lækkun á sig svona svo fyllsta réttlætis sé gætt. Ég er önnum kafin við að undirbúa jólin og búin að baka þrjár formkökur til að eiga í frysti. Þó að þetta sé óttalegt stúss og þreytandi líkamlega þá er þetta eiginlega ómissandi finnst mér.

Ég veit svo sem ekki hvort ég myndi kunna vel við mig í iðjuleysi þessa síðustu daga fyrir jól. Þetta undirstrikar komu jólana og það er bara svo gott að koma fram á aðfangadagsmorgun og allt búið. Jólin eru jú tími rútína og endurtekning á jólunum á undan. Svo er Guð svo góður að gefa mér þessa sértöku tilfinningu. Já þetta er flottur tími, svona tilbreyting frá hversdagsleikanum. 

Athugasemdir

[Linda, 20.12.2008 kl. 21:36]

Nákvæmlega Flower mín.  Mikið er er gaman að vita að fólk heldur í sínar gömlu hefðir, ég sjálf hef bakað þrjár uppskriftir (smákökur) sem fara m.a. í gjafapakka.  Guð gefi þér yndisleg og blessuð Jól.

Linda

[Rósa Aðalsteinsdóttir, 21.12.2008 kl. 10:04]

Sæl og blessuð

Sóknargjöld eiga að lækka fyrir okkur öll hvort sem við erum í Þjóðkirkjunni eða ekki. Þetta eru jú gjöld sem við sjálf borgum. Laun presta lækka sjálfsagt ekkert og það verður örugglega nóg peningaaustur beint úr ríkiskassanum. En hvað með það. Ég persónulega vil sjá aðskilnað milli ríkis og kirkju.

Guð gefi þér gleðileg jól og farsæld á komandi árum.

Vertu Guði falin

Kær kveðja/Rósa