Hugleiðingar

Ég var að lesa Dean Koontz um daginn, Óttist eigi og Gríptu nóttina. Ég er ennþá að reyna að ákveða hvort þetta er snilld eða rugl, þó að vissulega leynist þar beitt samfélagsríni sem endranær. Og maður fer að spyrja sig hvað er verið að gera í neðanjarðarbyrgjum um heim allan. Það leiðir hugann að samsæriskenningum og hvað til er í þeim.

Ég hef verið að hugleiða þetta og komst að þeirri niðurstöðu að þrátt fyrir netið með allt sitt upplýsingaflæði, að mannkyn er sennilega jafn lítið nær því sem er raunverulega að gerast. Vandinn við netið er að það er ekki allt satt sem stendur þar. Það er auðveldara að dreyfa röngum upplýsingum en það var. 

Það eru þungar undiröldur að bylta sér núna, það er greinilegt á öllu að hið almenna siðferði er á hröðu undanhaldi og það eru stórir eiginhagsmunaaðilar sem vilja breytingar. Það er hins vegar alltaf einn hlutur sem ekki breytist og er alltaf bjarg til að byggja á. Drottinn hefur ekki breytt neinu og hann mun ekki gera. Það er huggun á þessum umrótatímum að það er þarna bjarg sem óhætt er byggja hús sitt á. 

Athugasemdir

[Bryndís Böðvarsdóttir, 13.3.2009 kl. 12:06]

Amen!

Líklega er það þess vegna sem ég er að sækja svona til fortíðarinnar núna. Nútíminn er farinn að verða dálítið þreytandi með sínu minnkandi siðferði og hraða. Stundum finnst manni eins og almenningur sé teymdur áfram á asnaeyrum einhverra  sem hafa of mikil völd í fjölmiðlum eða á netinu. Manni finnst vera svo mikið, sinnuleysi, siðleysi og kærleiksleysi. 

Mig langar líka svo mikið að fara að vinna á dvalarheimili. Ég tel að það sé hægt að læra svo mikið af eldrafólkinu. Mig langar svo að sjá áhrif þeirra meiri í samfélaginu og sérstaklega áhrif þeirra á æskuna. Kannski ætti bara að hanna nýja sumarvinnu fyrir ungafólkið í dag. Eitthvað sem felur í sér mikla samveru með eldriborgurum.  T.d. útgáfa á blaði fyrir eldriborgara. Rödd öldunga þjóðarinnar fengi að heyrast í gegnum ungu penna samfélagsins. Það eru líka allt of margir aldraðir einmanna og allt of margt ungt fólk sem finnur sig ekki í nútímanum, en leitar stundarhamingju í tilgangslausu sýndarmennsku þessa heims. Það eru svo margir ungir þunglyndir af því að innst inni eru þeir líka einmanna og skortir einhverja hlýju og tíma með reynslumeiri manneskjum. Eins þurfa þau sum að læra að  sýna hinum öldnu virðingu. 

Kær kveðja til þín og takk fyrir þín innihaldsríku skrif. Þú ert greinilega líka að pæla svo mikið í tilverunni eins og ég... 

[Flower, 13.3.2009 kl. 15:54]

Takk fyrir það Bryndís. Þetta fylgir bara þeirri leið sem við göngum að pæla í hlutunum, það er farvegur Guðs til að koma ýmsu áleiðis til okkar