Grasið er varla grænna hinum megin

Ég er farin að velta því fyrir mér svona næstum því í fullri alvöru hvort það sé eitthvað óhreint á sveimi í ónefndum ráðuneitum? Annað hvort það eða þetta fólk veit eitthvað sem við hin vitum ekki, sem er miklu verra. Hvað liggur á að koma þessari tillögu um aðildarviðræður við ESB í gegn akkúrat núna? Jú, samfylkingin (lítill stafur viljandi) hefur aldrei leynt því að vilja komast þangað inn blablabla, en er það brýnast núna þegar heimili og fyrirtæki eru meira og minna á hausnum en allt annað hækkar?

Það hefur ekkert breyst þó að það sé vinstri stjórn. Þingmenn þeirra flokka eru jafn bundnir af flokksræðinu. Til hvers að sitja á þingi og vera svo ekki frjáls til að greiða atkvæði samkvæmt sinni sannfæringu heldur sannfæringu flokksforystunar? Þetta er gjörsamlega handónýtt lið sem þykir vænna um stólana sína heldur en þjóðina. Og þessi valdasýki er greinilega í loftinu og bráðsmitandi. Maður hlýtur að spyrja sig afhverju?

Þá er það ljóst að þingmenn heils flokks hafa bæði svikið sína kjósendur og kosið sér þvert um hug. Veit ekki hvort er sorglegra. Spurning hvort samfylkingin hér eftir gerir ekkert nema að horfa fyrst til vilja ESB. Kannski er þegar búið að semja um eitt og annað bak við tjöldin. Guð hjálpi okkur með svona ósjálfstæðan stjórnmálaflokk við völd.                                                                                                       

 

Athugasemdir

[Rósa Aðalsteinsdóttir, 16.7.2009 kl. 22:51]

Sæl og blessuð

Einmitt sama og ég er að hugsa. Hvað er það sem rekur Jóhönnu svona áfram að knýja þetta mál í gegn? Af hverju eru þau að flýta sér svona? Býr eitthvað á bak við það?

Líst illa á þessi vinnubrögð. Jóhanna er algjör einræðisherra. Þegar hún og Steingrímur fóru saman í eina sæng þá fannst mér hann vera eins og þægur kjölturakki við hliðina á eiganda sínum Jóhönnu þegar þau komu fram í sjónvarpinu í viðtölum.

Megi almáttugur Guð miskunna okkur

Kær kveðja/Rósa

[Flower, 17.7.2009 kl. 12:48]

Sæl Rósa. Já vel taminn hundur. Sestu, veltu þér, kjóstu um aðild að ESB. Jaðrakaninn sem ég sá hérna um daginn og minnti mig einhverra hluta vegna á Steingrím, afþakkaði boð mitt að verða fjármálaráðherra, sem ég get ekki láð honum